Chempionlar ligasini tark etgan Joze Mourinyoni iste’foga chiqargan Turkiyaning "Fenerbaxche" klubi jamoaning yangi ustozi nomini aytishga yaqin turibdi. Bu haqda Milliyet portali xabar bermoqda.
Manbaga ko‘ra, "Fenerbaxche" bir nechta nomzodlarni ko‘rib chiqqan - Sebastyan Xyoness, Rojer Shmidt, Ange Postekoglu va Luchano Spalletti, ammo hammasi mahalliy mutaxassis Ismoil Kartalning jamoaga qaytishiga qarab ketmoqda. Uning tayinlanishi bugunoq tasdiqlanishi kutilmoqda.
Katral "Fenerbahche"ni uch marta - 2014-2015, 2022 va 2023-2024 yillarda boshqargan. Uning ushbu jamoa bilan yagona sovrini 2014 yilda qo‘lga kiritilgan Turkiya Superkubogi hisoblanadi.













