Ispaniya terma jamoasi bosh murabbiyi Luis de la Fuente bolgariyalik raqiblar ustidan qozonilgan g‘alabadan (3:0) olgan taassurotlari bilan o‘rtoqlashdi.
Jahon chempionati - 2026 saralashining 1-turidan o‘rin olgan o‘yinda ispanlar 5, 30 va 38-daqiqalarda Mikel Oyarsabal, Mark Kukurelya va Mikel Merinoning gollari evaziga ustun keldi.
"O‘yin qiyin kechdi, garchi birinchi bo‘lim yaxshi o‘tgan bo‘lsa-da. Biz kerakli natijani ta’minlash uchun yetarlicha harakat qildik. Yaxshiyamki, barcha futbolchilar sog‘-salomat, hech kim jarohat olgani yo‘q. Turkiya bilan keyingi o‘yin biz uchun qiyinroq bo‘lishi kutilmoqda, biz yaxshilanishda davom etishimiz kerak," - deya de la Fuentening so‘zlarini keltiradi The Touchline.
