Madridning "Real" klubi markaziy himoyachisi David Alaba "Beshiktosh"ni qiziqtirib qoldi. 33 yoshli futbolchi joriy mavsumda hali maydonga tushmadi va uning shartnomasi kelasi yilning o‘rtalarida yakunlanadi. Defensa Central xabariga ko‘ra, "Beshiktosh" avstriyalik futbolchini transfer oynasining so‘nggi kunlarida taklif qilish imkoniyatini ko‘rib chiqmoqda - Turkiyada transfer oynasi hali ochiq.

David Alaba "Real" safida 2021 yildan buyon to‘p surib kelmoqda, bungacha u uzoq yillar davomida "Bavariya" sharafini himoya qilgan. O‘tgan mavsum davomida futbolchi jarohatlar bilan bog‘liq doimiy muammolar tufayli atigi 14 ta o‘yinda maydonga tushdi. Transfermarkt portali mutaxassislari tajribali markaziy himoyachining narxini 6 mln yevroga baholamoqda.