"Barselona" yarim himoyachisi Frenki de Yong Niderlandiya terma jamoasi qarorgohini muddatidan oldin tark etdi.

28 yoshli futbolchi yaqinda bo‘lib o‘tgan JCH-2026 saralashidan o‘rin olgan Polshaga (1:1) qarshi o‘yinda kichik jarohat oldi.

"Apelsinranglilar" matbuot xizmati xabariga ko‘ra, xavbek terma jamoa qarorgohini tark etishiga ehtiyot chorasi sifatida ruxsat berilgan. Qayta tiklanishning aniq muddatlari hozircha ma’lum qilinmagan.

Niderlandiya terma jamoasining Polshaga qarshi o‘yinida Frenki de Yong 83 daqiqa o‘ynadi. 7 sentyabr kuni Ronald Kuman jamoasi navbatdagi o‘yinini o‘tkazadi - raqib Litva terma jamoasi bo‘ladi.

"Barselona"ning navbatdagi uchrashuvi - "Valensiya"ga qarshi o‘yin 14 sentyabrga belgilangan.