Insayder Fabrisio Romano "Real"ning "Shtutgart" yarim himoyachisi Anjelo Shtillerga qiziqishi haqida ma’lumot berdi.
Germaniyalik futbolchi o‘tgan yozda "qaymoqranglilar" nishonida bo‘lgan, ammo yakunda hech qayerga ko‘chib o‘tmagan edi. Romanoning so‘zlariga ko‘ra, "Real"ning Shtiller bilan hech qanday kelishuvi bo‘lmagan, "Manchester Yunayted" ham mish-mishlarga qaramay, xavbekni qo‘lga kiritishga aniq harakat qilmagan. Shu bilan birga, manbaga ko‘ra, futbolchi 2026 yilda "Shtutgart"ni tark etishga tayyor va Madrid grandi uning nomzodini ko‘rib chiqmoqda.
Transfermarkt talqiniga ko‘ra, Anjelo Shtillerning transfer narxi 45 mln yevroni tashkil qilmoqda. 24 yoshli yarim himoyachining "shvablar" bilan shartnomasi 2028 yilgacha mo‘ljallangan.
