Italiya terma jamoasi bosh murabbiyi Jennaro Gattuzo Estoniyaga qarshi kechgan bahsdan so‘ng (5:0) o‘z fikrlarini bildirib o‘tdi.
"Yigitlarga o‘yin uchun rahmat aytish kerak. Birinchi bo‘limda barchasini qildik - faqat gol yetishmadi. Yigitlar juda ko‘p ishlashdi va o‘yindan oldin ishga namunali munosabatda bo‘lishdi. Jamoa maqtovga loyiq, endi keyingi o‘yinga tayyorgarlik ko‘rish kerak.
Hujumkor tarkibni tanladik, chunki hujum qilishni xohladik. Hurmat bilan aytganda, raqibimiz darajada bizdan biroz ortda qolmoqda, shuning uchun, o‘ylaymanki, tavakkalchilik o‘zini oqladi," - dedi Gattuzo RAI Sport nashriga bergan intervyusida.
