Argentinalik darvozabon Emiliano Martines joriy mavsum yakuniga qadar Birmingemning "Aston Villa" klubida qolishga qaror qildi, deb xabar bermoqda Football Insider nashri.
Manbaga ko‘ra, 33 yoshli darvozabon faoliyatini Turkiya va Saudiya Arabistoni chempionatlarida davom ettirish variantlaridan voz kechishga qaror qilgan. Eslatib o‘tamiz, yozgi transferlar vaqtida Emiliano "Manchester Yunayted" bilan shartnoma imzolamoqchi edi, ammo kelishuv barbod bo‘ldi.
Martinesning "Aston Villa" bilan amaldagi mehnat shartnomasi 2029 yilning yozida yakuniga yetadi. Darvozabonning bozor narxi 20 million yevroga baholanmoqda.













