Kataloniyaning "Barselona" klubi yarim himoyachisi Fermin Lopes Angliya Premyer-ligasining top-klubiga o‘tishi mumkin. Bu haqda Tribal Football jurnalistlari xabar bermoqda.
Manbaga ko‘ra, 22 yoshli ispaniyalik futbolchiga hamon Londonning "Chelsi" klubi qiziqish bildirmoqda. "Aristokratlar" rahbariyati futbolchini qishki transferlar davrida o‘z safiga qo‘shib olishga harakat qiladi. Yozda tomonlar muzokaralar olib borishdi, ammo kelishuv amalga oshmadi.
Ispaniya chempionatining o‘tgan mavsumida Fermin 28 ta o‘yin o‘tkazib, 6 ta gol va 5 ta golli uzatmani o‘z hisobiga yozdirib qo‘ygan. Yarim himoyachining shartnomasi 2029 yilning yozigacha mo‘ljallangan. Uning bozor narxi 50 million yevroni tashkil etadi.
