Каталониянинг "Барселона" клуби ярим ҳимоячиси Фермин Лопес Англия Премьер-лигасининг топ-клубига ўтиши мумкин. Бу ҳақда Tribal Football журналистлари хабар бермоқда.
Манбага кўра, 22 ёшли испаниялик футболчига ҳамон Лондоннинг "Челси" клуби қизиқиш билдирмоқда. "Аристократлар" раҳбарияти футболчини қишки трансферлар даврида ўз сафига қўшиб олишга ҳаракат қилади. Ёзда томонлар музокаралар олиб боришди, аммо келишув амалга ошмади.
Испания чемпионатининг ўтган мавсумида Фермин 28 та ўйин ўтказиб, 6 та гол ва 5 та голли узатмани ўз ҳисобига ёздириб қўйган. Ярим ҳимоячининг шартномаси 2029 йилнинг ёзигача мўлжалланган. Унинг бозор нархи 50 миллион еврони ташкил этади.
