Ispaniya terma jamoasi bosh murabbiyi Luis de la Fuente "Manchester Siti" yarim himoyachisi Rodrining hozirgi holati haqida qanday fikrda ekanini aytdi.
May oyida 29 yoshli futbolchi o‘tgan yilning sentyabr oyida olgan xochsimon payidagi jarohatini davoladi. "Oltin to‘p" sohibi formasini tiklashda davom etmoqda - u hali maydonda muntazam ravishda 90 daqiqa o‘ynashga tayyor emas.
"Ko‘ramiz, mashg‘ulotlar qanday o‘tadi, ammo Rodri ajoyib formaga kirdi. U Turkiyaga qarshi o‘yinda asosiy tarkibda maydonga tushishi yoki tushmasligi mumkin. Eng muhimi - u shu yerda, u bizga quvonch ulashmoqda," - deya de la Fuentening so‘zlarini keltiradi ESPN.
