Belgiyaning "Antverpen" klubi safini Fransiyaning "Lion" klubi yarim himoyachisi Mamadu Diavara to‘ldirdi. Bu haqda jurnalist Fabrisio Romano o‘z ijtimoiy tarmoqlarida ma’lum qildi.

Manbaga ko‘ra, kelishuv "Antverpen"ga 250 ming yevroga tushgan. Shartnomada 20 yoshli fransuzni 3 million yevroga sotib olish va maoshini to‘liq Belgiya tomonidan qoplash imkoniyati ko‘zda tutilgan. Shuningdek, "Lion" futbolchining qayta sotuvidan 10 foiz olishi mumkin. Diavaraning tibbiy ko‘rikdan o‘tishi 7 sentyabrga belgilangan.

Futbolchi Fransiya U19 yoshlar terma jamoasida 5 ta o‘yin o‘tkazgan. Divara o‘tgan mavsum klub miqyosida 20 ta o‘yinda maydonga tushdi ("Gavr"da 15 ta, "Lion"da 5 ta) va 1 ta golli uzatmani amalga oshirdi.