Angliya terma jamoasi bosh murabbiyi Tomas Tuxel 2026 yilgi jahon chempionati saralashidan o‘rin olgan Andorra termasiga qarshi o‘yinda o‘z jamoasi futbolchilarining harakatlaridan qoniqish hosil qilganini aytdi.
Unda Angliya Kristian Garsiyaning avtogoli va Deklan Raysning goli evaziga 2:0 hisobida g‘alaba qozondi.
"Biz g‘alabaga loyiq edik. Biz yana quruq o‘yin o‘tkazdik va uch ochkoni qo‘lga kiritdik. O‘ylaymanki, o‘yinimiz to‘rt yoki beshta gol urish uchun yetarli bo‘ldi, chunki biz foydalana olmagan ko‘plab vaziyatlar yaratdik," - dedi germaniyalik mutaxassis UEFA matbuot xizmatiga.
Uning so‘zlariga ko‘ra, u inglizlar o‘yinida salbiy jihatlardan ko‘ra ijobiy jihatlarni ko‘proq ko‘rgan.
