"Liverpul" bilan shartnoma imzolagan hujumkor yarim himoyachi Federiko Kyeza Turkiya chempionatida ishlash imkoniyatiga ega.
Taniqli insayder Fabrisio Romanoning ma’lum qilishicha, italiyalik vingerning transferiga Istanbulning "Beshiktosh" klubi qiziqish bildirmoqda. "Burgutlar" Turkiyada transfer oynasi yopilgunga qadar Kyezaning transferini rasmiylashtirishni maqsad qilgan.
"Liverpul" o‘z navbatida ehtimoliy bitim bo‘yicha pozisiyasini ma’lum qildi. APL chempioni faqat Kyezaning to‘laqonli transferiga tayyor, mersisaydliklarni ijara qiziqtirmaydi.
Federiko joriy mavsumda uchta o‘yin o‘tkazib, bitta gol urdi.
