Ispaniya terma jamoasi qanot hujumchisi Lamin Yamal Turkiyaga qarshi o‘yin oldidan qolgan futbolchilar bilan mashg‘ulot o‘tkazdi. Bu haqda jurnalist Ferran Martines xabar bermoqda.
Manbaga ko‘ra, kecha bo‘lib o‘tgan mashg‘ulotlarda 18 yoshli futbolchi Bolgariya bilan o‘yinda belidagi noqulaylikka qaramay, butun jamoa bilan shug‘ullangan.
Bugun, 7 sentyabr kuni Ispaniya terma jamoasi Jahon chempionati - 2026 saralashining ikkinchi turi doirasida Turkiya terma jamoasi bilan safarda uchrashadi. Bellashuv Toshkent vaqti bilan soat 23:45 da boshlanishi rejalashtirilgan.













