Испания терма жамоаси қанот ҳужумчиси Ламин Ямал Туркияга қарши ўйин олдидан қолган футболчилар билан машғулот ўтказди. Бу ҳақда журналист Ферран Мартинес хабар бермоқда.
Манбага кўра, кеча бўлиб ўтган машғулотларда 18 ёшли футболчи Болгария билан ўйинда белидаги ноқулайликка қарамай, бутун жамоа билан шуғулланган.
Бугун, 7 сентябрь куни Испания терма жамоаси Жаҳон чемпионати - 2026 саралашининг иккинчи тури доирасида Туркия терма жамоаси билан сафарда учрашади. Беллашув Тошкент вақти билан соат 23:45 да бошланиши режалаштирилган.













