Bugun, 9 sentyabr kuni "Barselona" La Ligada yakshanba oqshomida bo‘lib o‘tadigan "Valensiya"ga qarshi mavsumdagi ilk uy uchrashuvini o‘tkazishini ma’lum qilishi kerak, chunki "Kamp Nou"ga rejalashtirilgan qaytish yana kechiktirilishi mumkin.
Sababi, "Barselona" hali klub 27 ming tomoshabinga mo‘ljallangan ikkita tribunani ochishni rejalashtirayotgani haqida sertifikat olgani yo‘q. Bu hujjatsiz ular shahar hokimiyatidan lisenziya olish uchun ariza topshira olmaydilar, bu esa "Kamp Nou"ga qaytish rejalarini kechiktiradi.
Cadena SER nashri tarqatgan xabarga ko‘ra "Barselona" terma jamoalarning oktyabr oyidagi xalqaro o‘yinlariga qadar "Kamp Nou"ga qaytishga ulgurishi ehtimoli deyarli nolga teng. Xalqaro tanaffusga qadar "Barselona" La Liganing uchta uy o‘yinini ("Valensiya," "Xetafe" va "Real Sosyedad"), shuningdek, Chempionlar Ligasida "PSJ"ga qarshi bitta bahs o‘tkazishi kerak.
La Liga klubning "Valensiya" bilan o‘yinni bor-yo‘g‘i 6 ming tomoshabinga mo‘ljallangan "Yoxan Kroyff" stadionida o‘tkazish haqidagi arizasini ma’qullashi kutilmoqda. Biroq, "Xetafe," "Real Sosyedad" va "PSJ" bilan uchrashuvlar "Monjuik"da bo‘lib o‘tishi rejalashtirilgan.
