Madridning "Real" klubi hujumchisi Kilian Mbappe Fransiya terma jamoasi safida navbatdagi golini urdi. 26 yoshli futbolchi birinchi bo‘lim oxirida penaltini aniq amalga oshirib, "uchranglilar"ga Islandiya ustidan irodali g‘alabani qo‘lga kiritishga yordam berdi (2:1). Endi "qaymoqranglilar" hujumchisining Fransiya terma jamoasi safida 52 ta goli bor - u bu ko‘rsatkich bo‘yicha afsonaviy Tyerri Anrini ortda qoldirdi. To‘purarlar ro‘yxatida faqat Olivye Jiru 57 ta gol bilan yuqorida bormoqda.
"Terma jamoa tarixidagi ikkinchi to‘purarlik? Hali ishlaydigan narsam bor, bo‘shashmaslik kerak. Yana bir futbolchini ortda qoldirish kerak," - deya Kilianning javobini keltiradi Madrid Xtra.
Mbappe 2017 yilning mart oyida Fransiya terma jamoasi safida debyut qilgan.
