Мадриднинг "Реал" клуби ҳужумчиси Килиан Мбаппе Франция терма жамоаси сафида навбатдаги голини урди. 26 ёшли футболчи биринчи бўлим охирида пенальтини аниқ амалга ошириб, "учранглилар"га Исландия устидан иродали ғалабани қўлга киритишга ёрдам берди (2:1). Энди "қаймоқранглилар" ҳужумчисининг Франция терма жамоаси сафида 52 та голи бор - у бу кўрсаткич бўйича афсонавий Тьерри Анрини ортда қолдирди. Тўпурарлар рўйхатида фақат Оливье Жиру 57 та гол билан юқорида бормоқда.
"Терма жамоа тарихидаги иккинчи тўпурарлик? Ҳали ишлайдиган нарсам бор, бўшашмаслик керак. Яна бир футболчини ортда қолдириш керак," - дея Килианнинг жавобини келтиради Madrid Xtra.
Мбаппе 2017 йилнинг март ойида Франция терма жамоаси сафида дебют қилган.
