Londonning "Arsenal" klubi qishki transferlar davrida ikki hujumkor futbolchisi bilan xayrlashishi mumkin. Bu haqda Football Insider xabar berdi.
Manbaga ko‘ra, "kanonirlar" safini braziliyalik Gabriel Jezus va belgiyalik Leandro Trossard tark etishi mumkin. Ikkala futbolchi ham Mikel Arteta rejalarida emas, shuning uchun transferga qo‘yiladi. Futbolchilarning shartnomasi 2027 yilning yozigacha mo‘ljallangan.
"Arsenal" Angliya Premyer-ligasining 3 ta turidan so‘ng 6 ochko jamg‘arib, turnir jadvalida 3-o‘rinni egallab turibdi.
