Ertaga voha derbisi – “Mash’al” va “Sho‘rtan” jamoalari o‘rtasidagi bellashuv oldidan yangi xabar. Klub matbuot xizmati xabariga ko‘ra, “Mash’al” muhim to‘qnashuvga asosiy tarkibning bir nechta yetakchi futbolchisiz tayyorlanmoqda.
Darvozabon Doston To‘xtaboyev, himoyachi Muhammadali Aliqulov, shuningdek yarim himoyachilar Javohir Abdualimov va Dilshod Rahmatullayev derbida jamoaga yordam bera olmaydi.
Bosh murabbiy Otabek Narzullayev uchun bu jiddiy yo‘qotish hisoblanadi. Shunga qaramay, u mavjud tarkibga ishonib, muxlislar oldida munosib o‘yin ko‘rsatishga intilmoqda.
