"Manchester Yunayted" himoyachisi Tirell Malasia Turkiya chempionatida ishlash imkoniyatiga ega. Niderlandiyalik 26 yoshli futbolchi bilan ijara shartnomasi imzolashga "Eyupspor" klubi qiziqish bildirmoqda, deya xabar bermoqda insayder Aleks Kruk.
Klublar kelishuvni muhokama qilishdi va Turkiyada yozgi transfer oynasi yopilgunga qadar transferni rasmiylashtirishga tayyor. Biroq Malasiyaning o‘zi Turkiya chempionatiga ko‘chib o‘tishdan bosh tortmoqda. Tirellning "qizil iblislar" bilan amaldagi mehnat shartnomasi 2026 yilning yozida yakuniga yetadi. Futbolchining bozor narxi sakkiz million yevro.
2024/2025 yilgi mavsumning ikkinchi qismida himoyachi PSVda ijara asosida o‘ynadi. Malasia Erediviziyada 8 ta o‘yinda maydonga tushib, sariq kartochka oldi.













