"Napoli"da tibbiy shtab boshlig‘i lavozimida ishlab kelayotgan Raffaele Kanoniko Romelu Lukakuning tiklanish jarayoni qanday kechayotganini aytib berdi.
Eslatib o‘tamiz, forvard avgust oyi o‘rtalarida "Olimpiakos"ga qarshi o‘rtoqlik uchrashuvida jarohat olgan edi. Mish-mishlarga ko‘ra, u maydonga dekabrdan oldin qaytmaydi.
"Uning tiklanishi yaxshi va rejalashtirilgan jadvalga muvofiq amalga oshirilmoqda. U Belgiyada va men u yerda u bilan ishlaydigan hamkasblarim bilan doimiy aloqadaman", - dedi shifokor.
Kanonikoning so‘zlariga ko‘ra, Lukakuga sonning to‘g‘ri mushagi yorilishi tashxisi qo‘yilgan, shuningdek, pay bilan bog‘liq muammolar bor.
