"Liverpul"ning sobiq himoyachisi Andre Uizdom 2020 yilda pichoqlangani haqida gapirdi.
Voqea 2020 yilning iyun oyida sodir bo‘lgan. Unga bir necha marta pichoq urilgan va futbolchi voqea joyidan qochib ketguncha uni talon-taroj qilishgan.
"Men u yerda bo‘lmasligim kerak edi. O‘yindan keyin uyda bo‘lishim kerak edi, men tashqariga chiqishni juda xohlardim.
Bir o‘zim ziyofatdan chiqib, mashinamga qarab ketayotgan edim. Tashqarida beshga yaqin yigitlar pichoqlar bilan qurshab olishdi.
Soatingni ber, deyishdi. Men rad etdim va janjal chiqdi. Yugurishga imkon yo‘q edi. Bu haqda o‘ylashim kerak edi, lekin g‘ururim to‘sqinlik qildi.
Ko‘p odamlar besh daqiqadan so‘ng ziyofatni tark etishdi. Hujumchilar qochib ketishdi va men qonga belangan holda ko‘chada qoldim. Hammasi juda tez sodir bo‘ldi. Men uyga mashinada yetib keldim, bu 15-20 daqiqa davom etdi. Uyga qaytganimda bir necha marta pichoqlanganimni angladim. O‘shanda tez yordam chaqirdim", - deydi hozir Shimoliy Irlandiyaning "Derri Siti" jamoasida o‘ynayotgan Uisdom.
