"Ливерпул"нинг собиқ ҳимоячиси Андре Уиздом 2020 йилда пичоқлангани ҳақида гапирди.

Воқеа 2020 йилнинг июнь ойида содир бўлган. Унга бир неча марта пичоқ урилган ва футболчи воқеа жойидан қочиб кетгунча уни талон-тарож қилишган.

"Мен у ерда бўлмаслигим керак эди. Ўйиндан кейин уйда бўлишим керак эди, мен ташқарига чиқишни жуда хоҳлардим.

Бир ўзим зиёфатдан чиқиб, машинамга қараб кетаётган эдим. Ташқарида бешга яқин йигитлар пичоқлар билан қуршаб олишди.

Соатингни бер, дейишди. Мен рад этдим ва жанжал чиқди. Югуришга имкон йўқ эди. Бу ҳақда ўйлашим керак эди, лекин ғурурим тўсқинлик қилди.

Кўп одамлар беш дақиқадан сўнг зиёфатни тарк этишди. Ҳужумчилар қочиб кетишди ва мен қонга беланган ҳолда кўчада қолдим. Ҳаммаси жуда тез содир бўлди. Мен уйга машинада етиб келдим, бу 15-20 дақиқа давом этди. Уйга қайтганимда бир неча марта пичоқланганимни англадим. Ўшанда тез ёрдам чақирдим", - дейди ҳозир Шимолий Ирландиянинг "Дерри Сити" жамоасида ўйнаётган Уисдом.