Markaziy himoyachi Emerik Laport "An-Nasr"ni tark etib, "Atletik" Bilbaoga qaytdi.
Transfer payshanba kuni rasman e’lon qilindi. 31 yoshli futbolchi basklar klubi bilan 2028 yilgacha mo‘ljallangan shartnoma imzoladi.
"Aziz "An-Nasr" muxlislari, mening bu buyuk klubdagi faoliyatim nihoyasiga yetdi. Xotiralar va muvaffaqiyatlarga to‘la ushbu tajribadan minnatdorman va Saudiya Arabistoni chempionatining jahon miqyosidagi yuksalishining bir qismi bo‘lganimdan faxrlanaman. Klubga kelajakda eng yaxshi tilaklarni tilayman," - deya Laport klubdan ketishiga izoh berdi.













