"Manchester Yunayted" klubi Yevropadagi musobaqalarda ishtirok eta olmagani sababli o‘z taqvimidagi bo‘shliqni to‘ldirish uchun hafta o‘rtasida bir qator o‘rtoqlik uchrashuvlarini o‘tkazish bo‘yicha muzokaralar olib bormoqda, deb xabar beradi The Sun nashri.
Manbaga ko‘ra, "qizil iblislar" yevrokuboklarda ishtirok etmayotgan boshqa jamoalar bilan bir nechta o‘yin tashkil qilmoqchi. "MYU"ga "Milan", "Lasio", "Leypsig" va "Sevilya" jamoalari raqib bo‘lishlari mumkin.
Ta’kidlanishicha, agar tegishli to‘lov amalga oshirilsa, bu o‘yinlar Angliyadan tashqarida, masalan, BAAda o‘tkazilishi mumkin.
Angliya chempionatining so‘nggi mavsumi yakuniga ko‘ra "mankunianliklar" 15-o‘rinni egallashdi.
