«Kristal Pelas»ning markaziy himoyachisi Mark Gexi qishki transfer oynasidan keyin «Barselona»ga ko‘chib o‘tishi mumkin. Bu haqda El Nacional xabar tarqatdi.
Manbaning ma’lum qilishicha, katalon klubi 23 yoshli angliyalik himoyachi uchun kurash olib boradi. «Ko‘k-anorranglilar» bosh murabbiyi Xans-Diter Flik shaxsan futbolchini tarkibga qo‘shish tarafdori bo‘lib, Gexi «Barsa» uslubiga mos kelishini ta’kidlagan.
Eslatib o‘tamiz, yozgi transfer vaqtida Gexi «Liverpul»ga o‘tishga yaqin edi, ammo kelishuv amalga oshmadi. Shuningdek, futbolchiga «Bavariya», «Real», «Inter» va «Yuventus» klublari ham qiziqish bildirmoqda.
O‘tgan mavsum Angliya terma jamoasi a’zosi «Kristal Pelas» safida 44 ta uchrashuvda maydonga tushib, uchta gol va ikki assist muallifi bo‘lgan.
