«Кристал Пэлас»нинг марказий ҳимоячиси Марк Гехи қишки трансфер ойнасидан кейин «Барселона»га кўчиб ўтиши мумкин. Бу ҳақда El Nacional хабар тарқатди.

Манбанинг маълум қилишича, каталон клуби 23 ёшли англиялик ҳимоячи учун кураш олиб боради. «Кўк-анорранглилар» бош мураббийи Ханс-Дитер Флик шахсан футболчини таркибга қўшиш тарафдори бўлиб, Гехи «Барса» услубига мос келишини таъкидлаган.

Эслатиб ўтамиз, ёзги трансфер вақтида Гехи «Ливерпуль»га ўтишга яқин эди, аммо келишув амалга ошмади. Шунингдек, футболчига «Бавария», «Реал», «Интер» ва «Ювентус» клублари ҳам қизиқиш билдирмоқда.

Ўтган мавсум Англия терма жамоаси аъзоси «Кристал Пэлас» сафида 44 та учрашувда майдонга тушиб, учта гол ва икки ассист муаллифи бўлган.