Milanning "Inter" klubi markaziy himoyachisi Alessandro Bastoni jurnalistlar bilan "Yuventus"dan uchralgan mag‘lubiyatni (3:4) muhokama qildi.
"Byankonerilar" A Seriya 3-turidan o‘rin olgan o‘yinda 82- va 91-daqiqalardagi gollar evaziga g‘alabani ilib ketdi.
"To‘rtta gol o‘tkazib yuborganingda ijobiylikni izlash qiyin. Ba’zi epizodlarda omadimiz kelmadi, bugun ko‘prog‘iga loyiq edik, ammo bunday mag‘lubiyatni mavsum boshida boshdan kechirgan ma’qul - oldinda hali ko‘p o‘yinlar bor. Oxirida yanada sobitqadamlik va qat’iyat bilan harakat qilishimiz kerak edi. Xatolarni tahlil qilib, oldinga yurish kerak. Endi bizni Chempionlar ligasi kutmoqda," - deya Bastonining so‘zlarini keltiradi jurnalist Alfredo Pedulla.
