2023 yilda Edvin van der Sar miyasiga qon quyilgan. Niderlandiyalik o‘zining o‘sha sog‘lig‘i bilan bog‘liq muammolari haqida gapirdi.
"O‘lishdan qo‘rqdimmi? To‘g‘risini aytsam, yo‘q. Menga tez yordam ko‘rsatishdi, tez yordam mashinasi meni to‘g‘ri kasalxonaga olib bordi, u yerda menga eng yaxshi shifokorlar g‘amxo‘rlik qilishdi. Uyga qaytganimda, oilam va fizioterapevt doimo yonimda bo‘lardi. Hozir men ishlagan yillarimga qaraganda xotirjamroq hayot kechiryapman, chunki telefonim tinimsiz jiringlardi, jamoa va murabbiyni qo‘llab-quvvatlab, muhim qarorlar qabul qilishimga to‘g‘ri kelardi. Endi oilam bilan vaqt o‘tkazyapman, sayohat qilyapman, padel o‘ynayapman, velosiped haydayapman", - dedi van der Sar.
Van der Sar futbolchilik faoliyatini 2011 yilda yakunlagan.
