Shanba kechqurun bo‘lib o‘tgan uchrashuvda «Kristal Pelas» va «Sanderlend» jamoalari hisobni ocha olmadilar — bellashuv 0:0 hisobida durang bilan yakunlandi. Shu tariqa, «burgutlar»ning Angliya Premyer-ligasidagi mag‘lubiyatsiz seriyasi 10 ta uchrashuvga yetdi. Squawka nashri ta’kidlashicha, bunday natija klub tarixida ilk bor kuzatilmoqda.
Ushbu 10 ta uchrashuvdan 3 tasida «Kristal Pelas» g‘alaba qozongan, qolgan 7 bellashuv esa durang bilan yakunlangan. Qayd etish lozimki, ushbu seriya doirasida jamoa kuchli raqiblar bilan to‘qnash kelgan: «Arsenal» (2:2), «Tottenxem» (2:0), «Liverpul» (1:1) va «Chelsi» (0:0) kabi grandlarga qarshi o‘yinlar ham bor.
Eslatib o‘tamiz, 2025 yilda Oliver Glasner boshqaruvida «Kristal Pelas» Angliya Kubogi va Angliya Superkubogini qo‘lga kiritgan edi.
APLning navbatdagi turida «Kristal Pelas» safarda «Vest Xem»ga qarshi bahs olib boradi.
