Шанба кечқурун бўлиб ўтган учрашувда «Кристал Пэлас» ва «Сандерленд» жамоалари ҳисобни оча олмадилар — беллашув 0:0 ҳисобида дуранг билан якунланди. Шу тариқа, «бургутлар»нинг Англия Премьер-лигасидаги мағлубиятсиз серияси 10 та учрашувга етди. Squawka нашри таъкидлашича, бундай натижа клуб тарихида илк бор кузатилмоқда.

Ушбу 10 та учрашувдан 3 тасида «Кристал Пэлас» ғалаба қозонган, қолган 7 беллашув эса дуранг билан якунланган. Қайд этиш лозимки, ушбу серия доирасида жамоа кучли рақиблар билан тўқнаш келган: «Арсенал» (2:2), «Тоттенхэм» (2:0), «Ливерпуль» (1:1) ва «Челси» (0:0) каби грандларга қарши ўйинлар ҳам бор.

Эслатиб ўтамиз, 2025 йилда Оливер Гласнер бошқарувида «Кристал Пэлас» Англия Кубоги ва Англия Суперкубогини қўлга киритган эди.

АПЛнинг навбатдаги турида «Кристал Пэлас» сафарда «Вест Хэм»га қарши баҳс олиб боради.