“Liverpul” hujumchisi Muhammad Saloh “Byornli”ga qarshi o‘yindan so‘ng o‘z fikrlari bilan o‘rtoqlashdi.
Misrlik futbolchi uchrashuvning 90+5-daqiqada penaltini aniq amalga oshirib, mersisaydliklarning g‘alaba goliga mualliflik qildi.
"Qiyin raqibga qarshi o‘ynadik. Maydonning har bir qarichi uchun kurashdik. To‘pni o‘zimizda saqlab qolishga harakat qildik. Qiyin o‘yin bo‘ldi, lekin g‘alaba qozonganimizdan xursandman.
Bizda yangi o‘yinchilar bor. Yangi kelganlarning jamoa o‘yin uslubiga moslashishi uchun vaqt kerak. Ularda o‘ziga ishonch his qilishlari uchun qo‘limizdan kelganini qilyapmiz”, - deya Salohning so‘zlaridan keltiradi Sky Sports.
