"Manchester Siti" bosh murabbiyi Xosep Gvardiola Premyer-liga doirasidagi "Manchester Yunayted"ga (3:0) qarshi bahsda Janluiji Donnarummaning o‘yini haqida fikr bildirdi.

26 yoshli darvozabon yakshanba kuni bo‘lib o‘tgan derbida "shaharliklar" safida debyut qildi. Italiyalik futbolchi ikkita zarbani qaytardi va jamoasiga quruq g‘alabani qo‘lga kiritishga yordam berdi.

"Donnarumma juda yaxshi edi! Har doim xavfli bo‘lgan burchak zarbalarida, ayniqsa, Mbeumoning zarbasi bilan bog‘liq epizodda, buni hamma eslaydi. Menga o‘sha seyv, shuningdek, Janluijining yoniga yugurib kelgan Yoshko, Ruben va Rodrining reaksiyasi yoqdi. Har bir o‘yinchi uni sevishlarini istaydi. Aynan shunday paytlarda jamoa birdamlik ko‘rsatadi. O‘yinchilar xato qilganda bir-birlarini qo‘llab-quvvatlaydilar va muvaffaqiyatli harakatlardan xursand bo‘ladilar. Bu birlamchi - shundan keyingina taktika keladi," - dedi Gvardiola o‘yindan keyingi intervyusida.