Italiya terma jamoasi va Londonning "Arsenal" klubi himoyachisi Rikkardo Kalafyori Italiya va Angliya chempionatlarini taqqoslab ko‘rdi.

"Italiyada muxlislar birinchi daqiqadan so‘nggi daqiqagacha tinmay qo‘shiq aytishadi. Atmosfera o‘zgacha. Angliyada hammasi boshqacha - balki ular kamroq kuylashar, ammo jarayonga butun stadion aralashadi", - deya Kalafyorining so‘zlarini keltiradi Versus.

"Gol urganingizda yoki muhim podkatni amalga oshirganingizda, sizni darhol energiya quvvati egallab oladi. Italiyada bu ko‘proq ultras haqida, bu yerda esa butun stadion seni qo‘llab-quvvatlayotgandek tuyuladi".

Rikkardo Kalafyori o‘tmishda "Roma", "Jenoa" va "Bolonya" klublarida to‘p tepgan. U 2024 yilda "Arsenal"ga o‘tgan va shu vaqt ichida 33 ta o‘yinda (4 ta gol, 4 ta golli uzatma) maydonga tushgan.