Erik ten Xag Bundesliganing ikki turidan keyinoq "Bayer" bosh murabbiyligidan iste’foga chiqarildi. Bu borada Leverkuzen klubi boshqaruvchi direktori Fernando Karro izoh berdi.
"Men buni shubhasiz bizning xatomiz deb atagan bo‘lardim. Shunday bo‘lsa-da, bunday holat yuz berishi mumkin. Kadrlar masalasida qaror qabul qiladigan har qanday odam buni biladi. Bu achinarli, ammo bu tabiiy holat. Biz bunga professional tarzda yondashdik. Hech qanday jiddiy narsa yo‘q. Xato qilganda, vaqtida munosabat bildirish kerak," - dedi Karro Bild Sport nashriga.
Germaniya Bundesligasining ten Xag iste’fosidan keyingi ilk o‘yinida "Bayer" o‘z maydonida "Ayntraxt"ni 3:1 hisobida mag‘lub etdi.
