Эрик тен Хаг Бундеслиганинг икки туридан кейиноқ "Байер" бош мураббийлигидан истеъфога чиқарилди. Бу борада Леверкузен клуби бошқарувчи директори Фернандо Карро изоҳ берди.
"Мен буни шубҳасиз бизнинг хатомиз деб атаган бўлардим. Шундай бўлса-да, бундай ҳолат юз бериши мумкин. Кадрлар масаласида қарор қабул қиладиган ҳар қандай одам буни билади. Бу ачинарли, аммо бу табиий ҳолат. Биз бунга профессионал тарзда ёндашдик. Ҳеч қандай жиддий нарса йўқ. Хато қилганда, вақтида муносабат билдириш керак," - деди Карро Bild Sport нашрига.
Германия Бундеслигасининг тен Хаг истеъфосидан кейинги илк ўйинида "Байер" ўз майдонида "Айнтрахт"ни 3:1 ҳисобида мағлуб этди.
