"Barselona"ga Spotify kompaniyasi homiylik qilgandan beri Kataloniya superklubi futbolchilari "Real" bilan o‘yinlarda u yoki bu musiqiy ijrochiga bag‘ishlangan futbolkalarda o‘yinni o‘tkazishadi.

Keyingi "el-klasiko" ham istisno bo‘lmaydi - unda kataloniyaliklar futbolning ashaddiy muxlisi va "Ipsvich" egalaridan biri bo‘lgan britaniyalik qo‘shiqchi Ed Shiranni reklama qilishadi (uning "Barsa"ga munosabati haqida hech narsa aytilmagan).

Eslatib o‘tamiz, yaqinlashib kelayotgan "el-klasiko"ga bir oydan sal ko‘proq vaqt qoldi, bu 26 oktyabr kuni Madridda bo‘lib o‘tadi. Hozirda "Real" turnir jadvalida birinchi o‘rinda bormoqda, "Barselona" undan ikki ochko ortda qolmoqda.