"Барселона"га Spotify компанияси ҳомийлик қилгандан бери Каталония суперклуби футболчилари "Реал" билан ўйинларда у ёки бу мусиқий ижрочига бағишланган футболкаларда ўйинни ўтказишади.
Кейинги "эл-класико" ҳам истисно бўлмайди - унда каталонияликлар футболнинг ашаддий мухлиси ва "Ипсвич" эгаларидан бири бўлган британиялик қўшиқчи Эд Ширанни реклама қилишади (унинг "Барса"га муносабати ҳақида ҳеч нарса айтилмаган).
Эслатиб ўтамиз, яқинлашиб келаётган "эл-класико"га бир ойдан сал кўпроқ вақт қолди, бу 26 октябрь куни Мадридда бўлиб ўтади. Ҳозирда "Реал" турнир жадвалида биринчи ўринда бормоқда, "Барселона" ундан икки очко ортда қолмоқда.
