"Yuventus" hujumchisi Dushan Vlaxovich Chempionlar Ligasi 4-turidan o‘rin olgan "Borussiya" Dortmundga qarshi o‘yindan so‘ng (4:4) o‘z taassurotlari bilan o‘rtoqlashdi.

"Tajriba juda muhim, bizda yosh jamoa bor. Biz yaxshiroq o‘ynashimiz kerak edi - shuncha gol o‘tkazib yubormaslik kerak. Yutqazmaganimiz yaxshi, lekin hali ko‘p narsani o‘rganishimiz kerak."

Beshta almashtirishga ruxsat berilganidan so‘ng hozirda zaxiradagilar ko‘proq narsani hal qilishmoqda. Albatta, hamma boshlang‘ich tarkibda maydonga tushishni istaydi, lekin men murabbiy tanlovini hurmat qilaman va har doim 100% borimni beraman. Men hech qachon o‘zimdan mamnun bo‘lmayman. Bugun ikkita gol urdim va golli pas uzatdim, ammo xet-trik qayd etishni istardim," - dedi Vlaxovich Sky’ga bergan intervyusida.