Madridning "Real" klubi darvozaboni Tibo Kurtua Chempionlar ligasi yangi mavsumining 1-turidan o‘rin olgan "Marsel"ga qarshi o‘yindan so‘ng o‘z fikrlarini bildirib o‘tdi.
O‘yin 2:1 hisobida yakunlandi. Ahamiyatlisi, 72-daqiqadan boshlab "qaymoqranglilar" bir kishi kam bo‘lib o‘ynadi.
"O‘z maydonimizdagi bunday o‘yinlarda g‘alaba qozonish - katta yutuq. "Milan" bilan o‘tgan yilgi uy o‘yinidan saboq olgan edik. Ikkala gol ham penaltidan urilgan bo‘lsa-da, g‘alabaga loyiq edik," - deya Kurtuaning so‘zlarini keltiradi Madrid Universal.
