Londonning "Arsenal" klubi darvozaboni David Rayya Janluiji Donnarummaning "Manchester Siti"dagi debyuti haqida fikr bildirdi.
"U birinchi o‘yinda shunday o‘ynadiki, go‘yo u bu yerda ko‘p yillardan beri o‘ynayotgandek his paydo bo‘ldi. Bu o‘sha darvozabonning darajasi, qanchalik yaxshiligi va katta tajribaga ega ekanligini ko‘rsatadi. U dunyodagi eng yaxshilardan biri", - dedi Rayya jurnalistlarga.
Donnarumma yozgi transfer oynasida "PSJ"dan "Manchester Siti" futbolchisiga aylandi. Angliya grandi bilan 26 yoshli italiyalik besh yillik mehnat shartnomasini imzoladi.













