“PSJ” yarim himoyachisi Joau Nevesh jarohat sabab “Marsel”ga qarshi bahsni o‘tkazib yuboradi. Bu haqda klub rasmiy sayti xabar berdi.

Portugaliyalik futbolchi Chempionlar ligasi 1-turida “Atalanta”ga qarshi (4:0) bahsda sonining orqa qismidan jarohat oldi. Uning tiklanishi uchun 1 hafta vaqt ketadi.

“PSJ” yakshanba kuni Fransiya chempionati 5-turida “Marsel”ga qarshi bahsda uning xizmatidan foydalana olmaydi.

20 yoshli futbolch joriy mavsum parijliklar safida 4 o‘yinda maydonga tushib, 3 ta gol urdi.