Kecha boks, og‘ir atletika, baydarka va kanoeda eshkak eshish bo‘yicha jahon chempionatlarida yuqori natijalar qayd etib, yurtimiz sharafini munosib himoya qilgan sportchi hamda ularning murabbiylariga Prezident sovg‘asi – BYD avtomobillari va bir martalik pul mukofotlari tantanali ravishda topshirildi.
Sovrinlarni o‘z egalariga topshirgan O‘zbekiston Respublikasi Prezidentining sport bo‘yicha vakili Odil Abdurahmonov, Sport vaziri Adham Ikramov hamda MOQ raisining birinchi o‘rinbosari Otabek Umarov, sportchi va murabbiylarimizni qutlab, ularning kelgusi faoliyatlarida ham omad tiladilar.
O‘z navbatida, taqdirlangan sportchi va murabbiylar nomidan so‘z olgan Ruslan Nurudinov, Abdumalik Xalokov, To‘lqin Qilichev, shuningdek, Javohir Ummataliyevning otasi Turobjon Ummataliyev Prezidentimizga minnatdorchilik bildirib, davlatimiz tomonidan ko‘rsatilgan bunday yuksak e’tibordan mamnun ekanliklarini bildirishdi.
