Bugun Toshkent axborot texnologiyalari universitetida oliy va professional ta’lim muassasalarining talabalari o‘rtasida o‘tkaziladigan “Besh tashabbus Olimpiadasi” musobaqalariga ramziy start berish hamda sport sinovlarining g‘olib va sovrindorlarini taqdirlash tadbiri o‘tkazildi.

Unda O‘zbekiston Respublikasi Prezidentining sport bo‘yicha vakili Odil Abduraxmanov, shuningdek, Oliy ta’lim, fan va innovasiyalar, Sport, Axborot texnologiyalari va kommunikasiyalarini rivojlantirish vazirliklari, Milliy Olimpiya qo‘mitasi, Yoshlar ishlari agentligi rahbariyati va yuzlab talabalar ishtirok etdi.

Rasmiylar bo‘lajak musobaqa qatnashchilariga omad tilab, sport sinovlarida yuqori natija qayd etgan yoshlarni qutlashdi. Shuningdek, o‘z ta’lim muassasalarida sog‘lom turmush tarzi targ‘ibotida faol bo‘lgan universitetlarning rahbariyatiga “Jismoniy tarbiya va sport a’lochisi” ko‘krak nishonlari taqdim etildi.