"Barselona" "Manchester Yunayted"dan vinger Markus Reshfordni sotib olishi mumkin. Iyul oyida Kataloniya grandi inglizni joriy mavsum oxirigacha ijaraga olgandi. Yaqinda 27 yoshli futbolchi Xans-Diter Flik jamoasi safida ilk gollarini urdi - Chempionlar Ligasi doirasida "Nyukasl"ga qarshi o‘yinda (2:1) dubl qayd etdi. TBR Football xabariga ko‘ra, "Barselona" Reshfordning muvaffaqiyatlaridan hayratda va uni sotib olish bo‘yicha muzokaralarni keyingi yozda emas, balki yanvar oyida o‘tkazishga tayyor. Agar "qizil iblislar" o‘z tarbiyalanuvchisini taxminan 20 mln funtga (23 mln yevro) sotishga rozi bo‘lsa, kelishuv amalga oshishi mumkin.

Transfermarkt portali Markus Reshfordning narxini 50 mln yevroga baholamoqda. Futbolchi "Barsa" safida beshta o‘yinda ikkita gol urgan va bitta golli uzatmani amalga oshirgan.