"Барселона" "Манчестер Юнайтед"дан вингер Маркус Рэшфордни сотиб олиши мумкин. Июль ойида Каталония гранди инглизни жорий мавсум охиригача ижарага олганди. Яқинда 27 ёшли футболчи Ханс-Дитер Флик жамоаси сафида илк голларини урди - Чемпионлар Лигаси доирасида "Ньюкасл"га қарши ўйинда (2:1) дубль қайд этди. TBR Football хабарига кўра, "Барселона" Рэшфорднинг муваффақиятларидан ҳайратда ва уни сотиб олиш бўйича музокараларни кейинги ёзда эмас, балки январь ойида ўтказишга тайёр. Агар "қизил иблислар" ўз тарбияланувчисини тахминан 20 млн фунтга (23 млн евро) сотишга рози бўлса, келишув амалга ошиши мумкин.
Transfermarkt портали Маркус Рэшфорднинг нархини 50 млн еврога баҳоламоқда. Футболчи "Барса" сафида бешта ўйинда иккита гол урган ва битта голли узатмани амалга оширган.
