France Football Sarina Vigmanni ayollar futbolida yilning eng yaxshi murabbiyi deb topdi.
Angliya ayollar terma jamoasi bosh murabbiyi ayollar futboli bo‘yicha Yoxan Kroyff kubogini qo‘lga kiritdi. Vigman "Oltin to‘p" taqdirlash marosimida mukofotni qo‘lga kiritdi.
Niderlandiyalik mutaxassis ovoz berishda "Chelsi" ayollar jamoasi bosh murabbiyi Sonya Bombastor, Braziliya ayollar terma jamoasi bosh murabbiyi Artur Elias, Nigeriya ayollar terma jamoasi bosh murabbiyi Jyustin Madugu va "Arsenal" ayollar jamoasidan Rene Slegersni ortda qoldirdi.
O‘tgan mavsumda Vigman boshchiligidagi Angliya ayollar terma jamoasi finalda Ispaniya jamoasini mag‘lub etib, Yevropa chempionligini qo‘lga kiritgan edi.













