"Liverpul" hujumchisi Aleksandr Isak Liga kubogi doirasida "Sautgempton"ga (2:1) qarshi o‘yindan keyin o‘z fikrlari bilan o‘rtoqlashdi.
Uchrashuvda hisobni ochgan 25 yoshli futbolchi 43-daqiqada raqib darvozasini ishg‘ol qildi. Bu qimmatbaho yangi futbolchining "qizillar" safidagi ilk goli bo‘ldi. Tanaffusda uning o‘rnini Ugo Ekitike egalladi.
"Ajoyib tuyg‘u. Birinchi golni urib, g‘alaba qozonish juda yoqimli. Yaxshi oqshom. Avvalroq gol urishim kerak edi, deb hisoblayman, ammo bu hujumchining ishining bir qismi. Ba’zida xato qilasan, ba’zida esa hammasi yaxshi bo‘ladi. Eng muhimi, muvaffaqiyatsizlikni unutish va keyingi vaziyatdan foydalanishga tayyor bo‘lishdir. Men o‘zimga ishonaman," - dedi Isak ITV’ga bergan intervyusida.
