"Ливерпуль" ҳужумчиси Александр Исак Лига кубоги доирасида "Саутгемптон"га (2:1) қарши ўйиндан кейин ўз фикрлари билан ўртоқлашди.
Учрашувда ҳисобни очган 25 ёшли футболчи 43-дақиқада рақиб дарвозасини ишғол қилди. Бу қимматбаҳо янги футболчининг "қизиллар" сафидаги илк голи бўлди. Танаффусда унинг ўрнини Уго Экитике эгаллади.
"Ажойиб туйғу. Биринчи голни уриб, ғалаба қозониш жуда ёқимли. Яхши оқшом. Аввалроқ гол уришим керак эди, деб ҳисоблайман, аммо бу ҳужумчининг ишининг бир қисми. Баъзида хато қиласан, баъзида эса ҳаммаси яхши бўлади. Энг муҳими, муваффақиятсизликни унутиш ва кейинги вазиятдан фойдаланишга тайёр бўлишдир. Мен ўзимга ишонаман," - деди Исак ITV’га берган интервьюсида.
